Қазақстанда бензин мен дизель отынының жаңа бағасы енгізілді

Қазақстанда бүгін, 12 сәуірден бастап ҚР Энергетика министрінің «Бағаны мемлекеттік реттеу белгіленген мұнай өнімдерін бөлшек саудада өткізуге шекті бағаларды белгілеу туралы» бұйрығына енгізілген өзгерістер күшіне енді.

Тиісті құжаттың мәтіні ҚР Энергетика министрлігінің сайтында орналастырылған.

Оған сәйкес, бұйрықтың тақырыбы өзгертілді: енді стационарлық жанармай құю станциялары үшін мұнай өнімдерін бөлшек саудада өткізудің шекті бағалары белгіленді. Стационарлық жанармай құю станциялары арқылы мұнай өнімдерін бөлшек саудада өткізудің шекті бағасы да өзгертілді: атап айтқанда, АИ-92 және АИ-93 маркалы бензиннің құны литріне 205 теңге болып белгіленді.

Бұрын АИ-92 және АИ-93 маркалы бензиннің бөлшек саудадағы шекті бағалары:

• Қостанай, Солтүстік Қазақстан облыстарында – литріне 187 теңге;
• Астана, Алматы, Шымкент қалаларында, Ақмола, Ақтөбе, Шығыс Қазақстан, Батыс Қазақстан, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Абай, Жетісу, Ұлытау облыстарында-литріне 182 теңге.
• Сонымен қатар, осы құжатпен жазғы, маусымаралық дизель отынының шекті бөлшек сауда бағасы – қазақстандық жүргізуші куәлігін ұсынған жүргізушілер үшін – тәулігіне 100 литрге дейін және Қазақстандық жүргізуші куәлігін және көлік құралын тіркеу куәлігін ұсына отырып, жүк көліктерінің, арнайы, мамандандырылған жеңіл автокөліктердің және автобустардың жүргізушілеріне тәулігіне 300 литрге дейін.

Бұған дейін қазақстандық жүргізушілер үшін жазғы, маусымаралық дизельдік отынның құны аймаққа байланысты литріне 230 немесе 260 теңге болатын.