Қазақстанда ақбөкен жіті бақылауда болады

Елімізде ақбөкенді сақтау және қорғау науқаны басталды.

Оның негізгі мақсаты ақбөкендерді заңсыз аулау фактілерін анықтау, алдын алу және тоқтату, деп атап өтті Экология, геология және табиғи ресурстар министрлігі.

Экологиялық науқан жылына екі рет – 1-31 желтоқсан аралығында, сондай-ақ 15 сәуірден 15 мамырға дейін ақбөкеннің төлдеу кезеңінде өткізіледі, деп хабарлады министрлік.

Акцияға «Охотзоопром» мемлекеттік коммуналдық кәсіпорнының 224 инспекторы, Экология министрлігі Орман шаруашылығы және жануарлар дүниесі комитетінің аумақтық бөлімшелерінің қызметкерлері, сонымен қатар құқық қорғау органдары кіретін мобильді топтар қатысуда.