Қазақстанда алғаш рет биатлоннан әлем чемпионаты өтеді

Биатлоннан әлем чемпионаты Қазақстанда алғаш рет өтеді, деп хабарлады Спорт және дене шынықтыру істері комитетінің төрағасы Самат Ерғалиев.

«Әлем чемпионаты Ақмола облысындағы қысқы спорт түрлерінен Олимпиадалық даярлау орталығының шаңғы биатлоны стадионында өтеді. Бурабай өңіріне әлемнің түкпір-түкпірінен 800-ге жуық қонақ келеді, оның ішінде 500-дей спортшы бар. Еліміздегі жасөспірімдердің құрама командасы ақпан айында өтетін Қазақстан Республикасы кубогының қорытындысы бойынша жасақталады» деп мәлімдеді комитет төрағасы ОКҚ аумағында өткен брифингте.

Белгілі болғандай, биатлоннан жастар мен жасөспірімдер арасындағы әлем чемпионаты 2024 жылы 4-12 наурызда өтеді. Оған 41 мемлекеттің спортшылары қатысады.