Қазақстанда 18 жасқа дейінгі балалардың жеке жинақ шоттары ашылады 

ҚР Үкіметінің отырысында Ұлттық экономика вице-министрі Тимур Жақсылықов 2024 жылдан бастап Қазақстандағы барлық балаларға жеке жинақ шоттары ашылатынын, БЖЗҚ бұл шоттардың операторы болатынын айтты.

 Ведомство өкілінің айтуынша, қазіргі уақытта «Балаларға арналған ұлттық қор» бастамасын 2024 жылдан бастап іске қосу бойынша тәсілдер әзірленуде.

 18 жасқа дейінгі барлық балаларға жеке жинақ шоттары ашылады, олар жыл сайын есепке алынады.  

- Шоттардың операторы «БЖЗҚ» АҚ болады, - деді Жақсылықов.

 Жиналған қаражаттың барлығы кәмелеттік жасқа толғанда ғана пайдалануға беріледі. 

Оның айтуынша, келесі жылы бастаманы жүзеге асыру үшін қажетті заңнамалық өзгерістерді қабылдау жоспарлануда.