Қазақстан сөз бостандығы бойынша Түркіменстан, Солтүстік Корея және Сирияны басып озды

Қазақстан бұл жағынан Ресей, Беларусь, Тәжікстанды артта қалдырды, бұл туралы британдық құқық қорғау ұйымы Article 19  дайындаған.

Бұл туралы сайын 25 көрсеткішті есепке алатын Global expression report құрастырып, жариялайды. Олардың қатарында интернеттегі цензураның болуы немесе болмауы, БАҚ цензурасы, академиялық және мәдени ортадағы еркіндік, діни сенім бостандығы және т.б. бар.  Ал ел неғұрлым еркін және демократиялы болса, соғұрлым көп ұпай жинайды.

Биыл рейтингтің көш басында Дания (95 ұпай) тұр. Одан кейін Швеция, Норвегия, Швейцария және Финляндия келеді. АҚШ 87 ұпай алып, 21-орынға тұрақтады.

Солтүстік Корея 161-ші орында тұрған рейтингті (0 ұпай) жабады. Оның алдында бір ұпайдан жинаған Сирия мен Түркіменстан бар.

Қазақстанға 21 ұпаймен 121 орын берілді.

Бұл ретте Өзбекстан – 133, Қырғызстан – 104, Тәжікстан – 149, Ресей – 141, Беларусь – 158-орында.

Сондай-ақ, Article 19 өкілдері елдегі орташа көрсеткіш 2012 жылдан бері 6 пунктке төмендегенін алға тартады. Он жыл бұрынғымен салыстырғанда қазір әлем халқының 80 пайызында сөз бостандығы азайған.