Қазақстан Қытайдан көбірек қарыз ала алады

Қытайдың мемлекеттік даму банкі Қазақстанның Даму банкі үшін несие лимитін 300 миллион долларға көтерді.

Бұл туралы Сиань қаласында өтіп жатқан Қытай-Орталық Азия саммиті аясында «Бәйтерек» ҰБХ» АҚ төрағасы Қанат Шарлапаев айтты.

«Қытайдың Мемлекеттік даму банкі холдинг пен Қазақстанның Даму банкінің ұзақ мерзімді серіктесі және біз көптеген бағыттар бойынша бірлесіп жұмыс істеп жатырмыз. Бұл лимиттің ашылуы. Егер бізде Қазақстан ішінде қаржыландыруды қажет ететін жобалар болса, онда біз Қазақстан даму банкімен жұмыс істейміз. Қытайдың Даму банкін қаржыландырылуын пайдаланып, ала аламыз», – деді «Бәйтерек» төрағасы Қанат Шарлапаев.