Қазақстан-Қытай шекарасы арқылы тауар ағыны артты

«Нұр жолы» өткізу пункті арқылы тауар ағынын арттыру үшін кеден бекетінің штаты кеңейтілді.

Қазақстан-Қытай шекарасы арқылы тауар ағынын арттыру үшін «Нұр жолы» өткізу бекеті электронды кезек жүйесін өзгертті. Сонымен қатар, өткізу пунктінің жұмыс уақытын арттырып, кеден бекетінің штатын одан әрі кеңейтпек.

Үкімет сайтының хабарлауынша, Қытайдың кедендік, шекаралық және басқа да қызметтерімен өңделген жүк көлемін ұлғайту және шекарадағы бақылау жұмыстарын жеделдету бойынша келіссөздер жүргізілді.

«Қазіргі таңда қазақстандық жүк тасымалдаушыларына Қытайға тегін бару үшін Қытай визаларын алуға көмек көрсетілуде. Бұл ретте Көлік комитеті жеңілдету мақсатында халықаралық тасымалдауға құжаттарды беру тәртібі мен мерзімдерін қайта қарауда»  делінген хабарламада.

Соның нәтижесінде 14-17 наурыз аралығында Қытайдан Қазақстанға жүк ағыны үш есеге - тәулігіне 500-ден астам вагонға өскені атап өтілді. Ал Қазақстаннан Қытайға жол жүру екі есеге артып, күніне орта есеппен 200 көлікке жетті. Демалыс күндері (18-19 наурыз және Наурыз мейрамы күндері) «Нұр жолы» өткізу бекеті әдеттегідей – сағат 08:00-ден 21:00-ге дейін жұмыс істейді.