Қазақстан Қырғызстанға электр энергиясын сатады

2024 жылы Қырғызстан 3,2-3,5 миллиард киловатт-сағат электр энергиясын импорттайды, оның бір бөлігі Қазақстаннан жетеді, деп хабарлады Ферғана.

Республиканың Энергетика министрі Таалайбек Ибраевтың айтуынша, электр энергиясынберуге келісім-шарт жасалған.

«Келесі жылы біз Түркіменстаннан 1,7-ден 2 миллиард киловатт-сағатқа дейін, Ресейден 1,5 миллиард киловатт-сағатқа дейін, ал кейбірін Қазақстаннан импорттауды жоспарлап отырмыз», - деді Қырғыз Энергетика министрлігінің басшысы.

Импорт қыркүйектен желтоқсанға дейін жалғасады, деп түсіндірді Ибраев, жазда электр энергиясына деген сұраныс онша көп болмайтынын ескере отырып.

«Бізде электр энергиясы жетіспейді. Сондықтан біз Түркіменстанның, Қазақстанның, Ресейдің энергетикалық жүйелерімен импорттық келісім-шарт жасадық және Өзбекстанның энергетикалық жүйесі арқылы транзиттік тасымалдауды жүзеге асырдық. Біз бартерлік келісім жасадық. Қыста электр жарығы жетпей қалғанда Қазақстан мен Өзбекстанның энергетикалық жүйесінен аламыз. Жазда судың келуі реттелгенде алынған электр қуатын біртіндеп қайтарамыз», – деп түсіндірді Ұлттық энергетикалық холдингтің басқарма төрағасы Таалайбек Байғазиев.

Энергетикалық холдинг басшысы елдің 14,5 миллиард кВт/сағ өз су электр станциялары мен жылу электр станциялары есебінен жабылатынын, 1,6 миллиарды Түрікменстаннан, 500 миллионы Ресейден, 577 миллионы Қазақстаннан сатып алынатынын айтты.