Қазақстан президенттігіне үміткерлердің сайлау алды пікірсайысы көрсетіледі

11 қараша күні үміткерлердің сайлау алдындағы пікірсайыстарын «Хабар» телеарнасы тікелей эфирде көрсетеді.

11 қарашада «Хабар» телеарнасының тікелей эфирінде Қазақстан президенттігіне кандидаттардың сайлау алдындағы пікірталастары өтеді, деп хабарлады ҚР Орталық сайлау комиссиясының мүшесі Анастасия Щегорцова.

— Президенттікке кандидаттар Орталық сайлау комиссиясы ұйымдастыратын сайлау алдындағы пікірсайыстарға қатысуға құқылы. Сайлау алдындағы пікірсайыстарды өткізу тәртібі мен шарттарын ОСК анықтайды, - деп түсіндірді Анастасия Щегорцова.

ОСК функционалдық және техникалық мүмкіндіктерін, сондай-ақ аудиторияны барынша қамтуды ескере отырып, пікірсайыс өткізетін телеарнаны таңдау туралы хат жолдады. ҚР Ақпарат және әлеуметтік даму министрлігі «Хабар» телеарнасында пікірталас өткізуді ұсынды.

— Біз бұл туралы кандидаттар мен олардың штабтары жан-жақты дайындалу үшін сайлау науқанының алдын ала айтып отырмыз, - деді ОСК төрағасы Нұрлан Әбдіров.

ОСК төрағасы жарыссөздің өтетін күні туралы қаулыны барлық сайлау штабтарына жолдауды тапсырды. Пікірсайысқа кімнің нақты қатысатыны туралы шешімді әр кандидат өз бетінше қабылдайды. Заңға сәйкес, ОСК кандидаттан тиісті сенімхаты бар кез келген ресми өкілдің қатысуына рұқсат береді.