Қазақстан мұнайы Түркиядан Румынияға тасымалдана бастады

Румынияда орналасқан Petromidia мұнай өңдеу зауыты үшін Түркияның Джейхан портынан Қазақстан мұнайын жөнелту басталды.

«ҚазМұнайГаз» ҰК АҚ қазақстандық мұнайды жөнелту және оны Түркия портынан компанияға тиесілі Румыниядағы зауытқа тасымалдаудың басталғанын ресми түрде хабарлады. Жейхан терминалынан көлемі 80 мың тонна мұнайдың бірінші партиясы «НМСК Қазтеңізкөлікфлоты» ЖШС (ҚМГ еншілес кәсіпорны) тиесілі отандық ALATAU танкерімен тасымалданады. Танкер Петромидия мұнай өңдеу зауытына жүк түсіріп, Румынияның Констанца портына баратын жолы арқылы өтеді.

Жалпы, Ақтау-Баку-Джейхан бағыты бойынша жылдық көлемі 1,5 млн тонна мұнайды тасымалдау туралы бес жылдық келісім бар. «ҚазМұнайГаз» ҰК АҚ мен Әзірбайжан SOCAR арасында өткен жылдың соңында қол қойылған болатын.

Сондай-ақ ағымдағы жылдың наурыз айында Қазақстан мұнайы Ақтау-Баку бағытында жөнелтіле бастады. Қазақстан мен Әзірбайжан флоттары тасымалдауға паритеттік негізде тартылған. 20 сәуірдегі жағдай бойынша Ақтау портынан қазірдің өзінде 86 мың тонна жөнелтілді.