Қазақстан мен Венгрия атом өнеркәсібінде кадр даярлау туралы меморандумға қол қойды

Қазақстан мен Венгрия атом өнеркәсібінде кадрлар даярлау жөніндегі меморандумға қол қойды, деп хабарлайды ҚР Энергетика министрлігінің баспасөз қызметі.

«27 қаңтарда Венгрияның Будапешт қаласында өткен Экономикалық ынтымақтастық жөніндегі Қазақстан-Венгрия Үкіметаралық комиссиясының сегізінші отырысы аясында Қазақстан Республикасының Энергетика министрлігі мен Мәдениет министрлігі арасында өзара түсіністік туралы меморандумға қол қойылды. Сонымен қатар Венгрия атом энергиясын бейбіт мақсатта пайдалану саласындағы кадрларды даярлау және оқыту бойынша өзара түсіністік туралы меморандумға қол қойылды» делінген хабарламада.

Атом электр стансаларын пайдалану және оларға техникалық қызмет көрсету, ядролық және радиациялық қауіпсіздік, реакторлар физикасы, ядролық технологияларды басқару, атом өнеркәсібі, сондай-ақ бейбіт мақсатта пайдалану және басқа да салаларда кадрларды даярлау бойынша оқыту және білім беру бағдарламаларын әзірлеу жоспарлануда.