Қазақстан мен Ресей Қытайға мұнай транзиті келісімін ұзартты

Ресей үкіметі Қазақстанмен Ресей мұнайының Қытайға транзиті туралы ұзақ мерзімді келісім уақытын ұзартуды мақұлдады. Бұл туралы «Коммерсант» хабарлайды.

Келісім «Атасу-Алашанькоу» құбырымен Қазақстан арқылы Қытайға жылына 10 миллион тоннаға дейін ресейлік мұнайды тасымалдауды көздейді.

Мұнай транзитін ресейлік «Роснефть» компаниясы мен қазақстандық «ҚазТрансОйл» компаниясы жүзеге асырады.

Құжат 2034 жылдың 1 қаңтарына дейін ұзартылды.

Ресей мен Қазақстан арасындағы келісім 2014 жылдың 1 қаңтарынан бастап күшіне енді.