Қазақстан мен Қытай  өз азаматтары туралы ақпарат алмаспақшы

Қазақстан мен Қытай өз азаматтары туралы ақпарат алмасу туралы келісімге қол қоюға дайындалып жатыр.

«Қоса беріліп отырған Қазақстан Республикасының Үкіметі мен Қытай Халық Республикасының Үкіметі арасындағы Тараптар мемлекеттерінің азаматтарына қатысты ақпарат алмасу туралы келісімнің жобасы мақұлдансын» делінген қаулыда деп жазды ҚазТАГ.

Еске салсақ, Қазақстан билігі елдер арасында визасыз режим енгізуді қарастырып жатыр. Қазақстанның Сыртқы істер министрі Мұрат Нұртілеудің Қытайға мамыр айындағы сапары кезінде қол қойылады деп күтілуде.

Елдер келесі бағыттар бойынша ақпарат алмасу туралы келісімге қол қойғысы келеді:

• визасыз кіру және шығу, сондай-ақ мемлекеттердің азаматтарына берілген визалар саны.

• бір Тарап мемлекетінің азаматтығына қабылданған немесе қалпына келтірілген кезде екінші Тарап мемлекетінің азаматтары туралы ақпарат ұсынады.

• Екі Тарап мемлекеттері азаматтарының мүдделерін қорғау үшін осы Келісім күшіне енгенге дейін азаматтығын өзгерткен азаматтар туралы ақпарат алмасу.

Бұл Қазақстан мен Қытай азаматтарының аты, тегі, әкесінің аты, жынысы, туған күні, туған жері, азаматтығы, куәлік сериясын, нөмірін, берілген күнін, сурет, тиісті құжаттарды беретін орган, ұлты туралы мәліметтерге қатысты.

Шарттың белгісіз мерзімге жасалғаны көрсетілген. Әрбір ел екінші тарапқа жазбаша хабарлама жіберу арқылы оны тоқтата алады.