Қазақстан Дүниежүзілік банктен тағы да қомақты сома алмақшы

ҚР Парламенті Мәжілісінің жалпы отырысында палата депутаттары «Қарыз туралы келісімді (жеке секторды және экономиканың неғұрлым тұрақтылығын арттыруға негізделген даму саясатын қаржыландыруға арналған несие) ратификациялау туралы» Заңның жобасын мақұлдады.

Мәжілістің Қаржы және бюджет комитетінің төрағасы Марат Құсайыновтың айтуынша, қарыз қаражаты осы келісім аясында республикалық бюджет тапшылығын қаржыландыру шаралары аясында әлеуметтік-экономикалық жағдайдың тұрақтылығын сақтауға бағытталған шаралар кешенін қолдау үшін тартылады.

 — Халықаралық Қайта Құру және Даму Банкінен Қазақстанға 345,7 млн ​​еуроны 11,5 жыл өтеу мерзімімен, оның ішінде 2,5 жыл жеңілдік кезеңімен несие береді. Комитет жоба бойынша қорытынды дайындауға дайын. Қолдауларыңызды сұраймын, - деді ол депутаттарға.

Халықаралық Қайта Құру және Даму Банкі (ХҚДБ) 189 мүше-елдің ортақ иелігіндегі жаһандық даму ұйымы болып табылады.

ХҚДБ 1944 жылы Еуропа елдеріне Екінші дүниежүзілік соғыстан кейін қалпына келтіруге көмектесу үшін құрылған. IDA - Әлемнің ең кедей елдеріне көмек көрсету қорымен бірге ХҚДБ Дүниежүзілік банкті құрады. Екі ұйым да Дүниежүзілік банк тобының қалған бөлігімен және дамушы елдердегі мемлекеттік және жеке секторлармен кедейлікті азайту және барлығына әл-ауқат орнату үшін тығыз жұмыс істейді.