Қазақстан дәрігерлері Түркияда зардап шеккендерді далалық медициналық орталықта қабылдайды

Қазақстан дәрігерлері Түркияда зардап шеккендерді далалық медициналық орталықта қабылдауда, деп хабарлайды Төтенше жағдайлар министрлігі Апат медицинасы орталығының баспасөз қызметі.

«Тұрғындарға алғашқы медициналық-санитарлық білікті дәрігерлік көмек көрсету үшін өкпе аурулары модулді далалық медициналық орталықтарына орналастырды. Қабылдауды апат медицинасының білікті дәрігерлері жүргізеді»  делінген хабарламада.

Бір тәулік ішінде дәрігерлер жиырмаға жуық науқасқа, Газиантеп қаласының тұрғындарына, оның ішінде екі балаға кеңес  және білікті медициналық көмек көрсетті.

«Тұрғындар келіп, жылынып жатыр, құтқарушылар туыстары мен достарын құтқарғанша осы жерде күтеді, өйткені олардың көбі баспанасыз қалды»  деп хабарлады орталықтан.

Мұндай далалық аурухана күніне 200-ге жуық зардап шегушіні қабылдауға қауқарлы екені көрсетілген.

Дәрігерлердің айтуынша, бүгінде Түркиядағы Төтенше жағдайлар министрлігінің  жеке құрамы физикалық және психологиялық тұрғыдан сау.

Еске салайық, Түркияда қазақстандық құтқарушылар үйінді астынан жеті адамды шығарған болатын.