Қазақстан БҰҰ-дағы Қарусыздану комиссиясына төрағалығын аяқтады

Қазақстан Біріккен Ұлттар Ұйымының Қарусыздану комиссиясының жыл сайынғы сессиясы аясындағы төрағалығын сәтті аяқтады.

Осы Комиссияның үш жылдық жұмыс циклінің қорытындылары бойынша өткен сессияда БҰҰ-ға мүше мемлекеттер Қазақстан төрағалығының белсенді жұмысын жоғары бағалады. Қазақстан әлемдік ұйымның маңызды органының компромистік шешімдер қабылдауын қамтамасыз ете алғаны атап өтілді.

«Қазақстан Республикасының БҰҰ жанындағы Тұрақты өкілі Ақан Рахметуллиннің төрағалығымен Комиссия 2017 жылдан бері алғаш рет қару-жарақтың алдын алу саласындағы сенім мен ашықтық шараларын іс жүзінде жүзеге асыру бойынша ұсынымдар қабылдауға қол жеткізді» делінген ҚР СІМ баспасөз хабарламасында.

Комиссия Бюросының құрамына Австралия, Аргентина, Бурунди, Намибия, Ресей, Таиланд және Украина өкілдері төраға орынбасарлары ретінде кірді. Ямайка және Венгрия өкілдері Комиссия құрамында тиісінше I (Ядролық қарусыздану) және II (Ғарыш кеңістігіндегі қауіпсіздік) жұмыс топтарына төрағалық етті.

БҰҰ-ның қарусыздану жөніндегі комиссиясы Бас Ассамблеяға бағынатын кеңесші орган. Оның функцияларына қарусыздану саласындағы әртүрлі проблемаларды қарастыру және ұсыныстар жасау кіреді. Комиссия жыл сайын сәуір айында үш апта бойы жиналады және өз жұмысын пленарлық отырыстар мен жұмыс топтары арқылы жүргізеді.