Қазақстан бокс қауымдастығы халықаралық рейтингінде бірінші орында

Қазақстан Халықаралық бокс қауымдастығының рейтингінде бірінші орынды иеленді.

Халықаралық бокс қауымдастығы ұйымның ресми сайтында барлық салмақ дәрежесіндегі жекпе-жектер рейтингінің жаңартылған нұсқасын жариялады.

Қазақстан рейтингте Өзбекстан, Үндістан және АҚШ-ты басып озып, бірінші орынға шықты. Рейтинг барлық 17 салмақ дәрежесін ескеріп жасалған.

Бұл Бангкок қаласында (Таиланд) 16-27 қаңтар аралығында өтетін 22 жасқа дейінгі ұлдар арасындағы бокстан Азия чемпионаты қарсаңында жасалды.

Көрші мемлекеттерден Өзбекстан екінші, Украина 12-ші, Армения мен Ресей 14-15-ші, Қырғызстан 38-ші орында тұр.