Қазақстан атом электр станциясын салудан бас тартуы мүмкін

«Самұрық-Қазына» АҚ басқарма төрағасы Нұрлан Жақыпов Қазақстан атом электр станциясын салудан бас тартуы мүмкін екенін айтты.

Атом электр станциясын салу көп су мен қаржыны қажет етеді.

«Бұл жерде атом электр станциясының болатын-болмайтынын шешу үшін көптеген факторлар бар. Біз осындай шешім қабылдаған кезде ғана Росатом бола ма, әлде басқа компания бола ма, қай өндірушімен жұмыс істейтініміз туралы айту мүмкін болады. Атом электр станциясының орналасқан жеріне байланысты сұрақтар бар. Біз орын туралы шешім қабылдауымыз керек. Орынды анықтау үшін суға, экологияға қатысты бірқатар талаптар қойылады. Бізде Қазақстанда суға қатысты сұрақ бар. Каспий мен Балқаш таязданып барады. Трансшекаралық өзендер мәселесі бар, бірақ мен егжей-тегжейлі айтқым келмейді», - деді Жақыпов 13 шілдеде өткен брифингте.

Сонымен қатар, ол құрылыстың кем дегенде 10 жылға созылатынын және ондаған миллиард доллар болатынын атап өтті. Сондықтан, барлық тәуекелдерді өлшеп, мүмкіндігі жоқ жобаны қою керек.

«Екінші сұраққа біз өзіміз жауап беруіміз керек. Атом электр станциясы - бұл өте қымбат. Станцияның құны миллиардтаған доллар болады. Бұл атом электр станциясы өзін ақтау үшін тариф қандай болуы керек? Біз мемлекет ретінде мұндай тарифті басқара аламыз ба? Тағы да бәріміз жарықты пайдаланамыз, ұялы телефонымызды қуаттаймыз, желіге қосыламыз, теледидар көреміз. Ал ертең, мысалы, атом электр станциясын салсақ, электр энергиясының құны қанша болады? Бұл жерде барлық факторларды ескеру қажет», - деп қосты қор басшысы.

Оның айтуынша, жан-жақты талдау жүргізіп, барлық факторларды ескеру қажет. Атом электр станциясын салу үшін таңдалатын су қоймасы таяз болып кетсе, онда АЭС-тің өзіне де салмақ түседі.