QazaqGaz заңсыз әрекеті үшін 61,3 млн теңге айыппұл төледі

Қызылорда облысында тұтынушылардың шағымдарынан кейін QazaqGaz Aimaq ұлттық компаниясы филиалына тексеріс жүргізілді, деп хабарлайды Orda.kz.

Газға қосылу кезінде тұрғындардан «Табиғи монополиялар туралы» заңда көрсетілмеген қосымша құжаттар талап етілгені анықталды. Бұл әрекет заң бұзушылық ретінде танылып, ресми тіркелді.

Табиғи монополияларды реттеу комитетінің облыстық департаменті QazaqGaz Aimaq филиалына қарсы сотқа талап-арыз түсірді.

Барлық сот сатыларында, оның ішінде Жоғарғы сотта да, департаменттің ұстанымы заңды деп танылды. Нәтижесінде ұлттық компанияның еншілес құрылымы кінәлі деп танылып, оларға 61,3 миллион теңге әкімшілік айыппұл салынды. Бұл қаражат мемлекеттік бюджетке түсті.

Orda.kz бұған дейін газ саласын Дариға Назарбаеваның күйеуі Қайрат Шәріпбаев басқарған кезеңде қандай қаржылық алаяқтық жасалғаны жайлы жазған еді. Сот кабинетін зерттеп қарап, осы іс бойынша үкімді оқып шықтық. Онда тек процестің өзі ғана емес, оның егжей-тегжейі ашық көрсетілген. Миллиардтарды олигархтың қалай алғаны жайлы сол материалдан оқыңыз.

Сонымен қатар Orda.kz Дубайдағы виллалардың қай ақшаға алынғанын зерделеп көрді. «QazaqGaz» ұлттық компаниясы үнемі ішкі тарифтің зияны жайлы мәселе желеу етіп, миллиардтаған теңгені газ төлейтін кәдімгі түбіртектерді басып шығаруға жұмсаймыз деген сылтаумен қалтаға басқанын анықтадық.