QazaqGaz бен Түркіменгаз бірлескен геологиялық барлау жобаларын талқылады

Ашхабадта QazaqGaz басқармасының төрағасы Санжар Жәркешев пен Түркіменстанның мемлекеттік министрі, «Түркіменгаз» компаниясының төрағасы Мақсат Бабаев кездесті.

Orda.kz-ке ұлттық компания хабарлағандай, қатысушылар бірлескен сараптамалық топ жұмысын жандандыруға келісті. Атап айтқанда, тараптар түркімен газын импорттау мәселелерін, сондай-ақ геологиялық барлау саласындағы жобаларды жүзеге асыру барысын талқылады.

Кездесу жоғары деңгейде қол жеткізілген стратегиялық келісімдердің заңды жалғасы болды.

Екі ел делегациясы да Түркіменстан мен Қазақстан арасындағы ынтымақтастықтың, сондай-ақ Түркіменгаз бен QazaqGaz арасындағы өзара іс-қимылдың маңыздылығын атап өтті.