Құрбысына әлімжеттік көрсеткен мектеп оқушыларына қарсы қылмыстық іс қозғалды

Қатарластарына әлімжеттік көрсеткен мектеп оқушыларына қатысты қылмыстық іс қозғалды. Өзбекстанда екі мектеп оқушысы 14 жастағы қызды ұрды деген күдікке ілінді.

Ташкент полициясының баспасөз қызметі хабарлағандай, оқиға 13 сәуірде болған. Ташкенттегі шағын ауданның аяқталмаған ғимараттарының бірінде 15 және 16 жастағы екі оқушы құрбысын ұрып-соққан.

Бейнежазбадан мектеп формасындағы басқа да оқушыларды байқауға болады. Ташкент білім басқармасы төбелеске қатысушылардың барлығы қала мектептерінің бірінің оқушылары екенін атап өтті. Ата-аналар болған жағдай туралы хабардар. Қазір оларға түсіндермен жұмыстары жүргізіліп жатыр.