Қаржы пирамидаларының тізімі жарияланды

Қаржы мониторингі агенттігі қаржы пирамида мен қаржы пирамида ретінде әрекет етеді деген күдікке ілінген ұйымдардың тізімін жариялады.

Қаржы пирамидасы ретінде әрекет етеді деген күдікке ілінген, сондай-ақ сот үкімі шығарылған ұйымдардың кеңейтілген тізімін Қаржы мониторингі агенттігі жариялады, деп хабарлайды Orda.kz.

«Енді ақшасын салғысы келетін әрбір азамат компанияның сенімділігін тек ARRFR реестрінен ғана емес, сонымен қатар осы тізімнен де тексере алады» делінген хабарламада.

Ағымдағы жылдың басынан бері агенттік 22 қаржы пирамидасын анықтады. Кибербақылау жүйесінде 4000-ға жуық сайттар мен есептік жазбалар бұғатталды.

«Профилактикалық жұмыс аясында әлеуметтік желілерді пайдаланушыларға ескертулер жіберу нәтижесінде бүгінде 52 000 жазылушы қаржылық пирамида белгілері бар контентке жазылудан бас тартты» деп қосты ҚМА.