Қаржы министрі Ресейдегі Сауда өкілдігінің жабылуы туралы пікір білдірді

Премьер-министрдің орынбасары – Қаржы министрі Ерұлан Жамаубаев Ресейдегі Сауда өкілдігінің жабылуына қатысты пікір білдірді.

Жамаубаев сауда және интеграция министрлігі тарапынан мәлімдеме жасалғанын, бірақ оңтайландыру жұмыстары жүріп жатқанын атап өтті.

– Ол жақта Қазақстанның өкілдігі жеткілікті. Мәскеуде бұл мәселені шеше алатын барлық салаларда, соның ішінде кәсіпкерлік қызметте құзыретті адамдар бар. Сондай-ақ Елшілік бар, олардың саны да жеткілікті. Әр түрлі мемлекеттік құрылымдардан белгілі бір өкілдер бар. Сондықтан мәселе тек мемлекеттік қызмет құрылымдарын оңтайландыруға қатысты, – деп түсіндірді министр.

Қазақстанда Ресейдің қатысуымен 8000-ға жуық компания және 3 348 бірлескен кәсіпорын жұмыс істейді. Мәскеуде халықаралық маңызы бар Қазақстан сауда-көрме орталығы жұмыс істейді. Оған мәдени-гуманитарлық және сауда-экономикалық ынтымақтастықты ілгерілету міндеті жүктелген.