Қарақұмық 10 апта қатарынан арзандады

2023 жылдың 7 наурызы мен 14 наурызы аралығында қарақұмық жармасы 2,1%-ға арзандады.

Бірінші кредиттік бюро DATA HUB Telegram арнасының мәліметінше, бұл апта сайынғы ең қарқынды  баға құлдырауы. Бұл кем дегенде 2022 жылдың басынан бері және қатарынан оныншы рет болып отыр. Мұндай мәліметтерді ҚР Стратегиялық жоспарлау және реформалу агенттігі Ұлттық статистика бюросы  ұсынады.

«Жалпы, қарақұмық бағасының төмендеуі 2022 жылдың қараша айының ортасында басталды. Жалғыз ерекшелік 2022 жылдың 27 желтоқсанынан 2023 жылдың 3 қаңтарына дейінгі апта болды. Егер бұны ескермесек, онда бағаның төмендеуі 17 апта бойы жалғасуда. Бұл маңызды ауқым, - деп жазады арна авторлары.

Олардың пікірінше, бұл жағдай әдеттен тыс көрініс, өйткені қарақұмық сирек арзандайды.

«Бұл жерде маусымдық ерекше рөл атқармайды, бірақ, мысалы, наурыз айында баға соңғы 4 жылда тұрақты түрде өсіп келеді»  деп жазады басылым.