Қарақалпақстанда шілдедегі митингіге қатысқандарға қатысты сот процесі басталды

Қарақалпақстанда жаппай тәртіпсіздікке айналған митингіге қатысушылардың алғашқы соты 28 қарашада басталады.

Сот отырысының басталғанын оқиғаны тергеу жөніндегі парламенттік комиссия хабарлады. Ал, қанша адамға  айып тағылғаны белгісіз. Егжей-тегжейлері әлі нақтыланған жоқ.

«107 айыпталушыны гуманистік принцип негізінде комиссия мүшелерінің ұсынысы және Қарақалпақстан Жоғарғы Кеңесінің петициясы бойынша Бас прокуратура қоғамдық кепілдікпен және үйқамаққа шығарғанын естеріңізге саламыз» делінген хабарламада.

Сондай-ақ комиссия мүшелері сот процесіне бақылаушы ретінде қатысатыны да нақтыланған.

Қарақалпақстанда жаппай тәртіпсіздіктерге ұласқан митинг шілде айының басында басталған. Ол кезде Өзбекстанда Конституцияға өзгертулер енгізу талқыланып, оған сәйкес Қарақалпақстан егемендігінен айырылуы мүмкін деген қауіп туған.