Қарақалпақстанда наразылық: ІІМ бұрынғы сотталған қызметкері тергеу абақтысында қайтыс болды

«Қарақалпақстан Ішкі істер министрлігі қылмыстық іздестіру басқармасының бұрынғы бастығы, бірінші президенттің ұлы Полат Шәмшетов Нөкіс оқиғасы бойынша үкім шыққаннан кейін көп ұзамай жүрек талмасынан қайтыс болды»  деп хабарлайды Gazeta.uz.

2022 жылдың 2 шілдесінде 45 жастағы Полат Шәмшетовке «жаппай тәртіпсіздіктерге адамдарды қатыстырды және  өзі де белсенді қатысты» деген айып тағылды.

Шәмшетовтың өзі сотта тәртіпсіздік болған күні көшеде не болып жатқанын көруге шыққанын айтып, тағылған айыпты мойындамады.

 —  Мақсат тек өз көзіммен көру ғана болды, - деді ол.

Сот отырысында Шәмшетов демалыста екенін, бірақ 3 шілдеде жұмысқа шыққанын, 11 шілдеде қамауға алынғанын айтты. Ол телефон арқылы не болып жатқаны туралы көп айтқанын мойындады, себебі бұл оның жұмысына қатысты.

Осыған қарамастан, 31 қаңтарда сот Шәмшетовті жаппай тәртіпсіздіктерге қатысқаны үшін (ҚК 244-бабының 3-бөлігі) кінәлі деп тауып, 6 жылға бас бостандығынан айырды.

Бұл ретте ресейлік құқық қорғаушы Виталий Пономарев республика тұрғындары Шәмшетовтың өлімі туралы ресми нұсқаның растығына күмән келтіретінін айтты.

Пономарев «22-іс» бойынша Шәмшетов жалғыз айыпталушы екенін айтты, оның сотта сөйлеген сөзі сот процесіндегі қолжетімді онлайн видеодан толығымен дерлік алынып тасталған.

— 2022 жылдың 1-2 шілдесіндегі оқиғалар кезінде ол демалыста болған, бірақ бірінші күні кешке Нөкіс қаласындағы парламент жанындағы алаңда болған және демонстранттарға қарсы қаруды дұрыс пайдаланбағанына куә болған. Мемлекеттік қауіпсіздік қызметі оның телефон арқылы сөйлесулерін жазып алған. Онда ол өзбек пен қарақалпақ қауіпсіздік күштері арасындағы қаруды негізсіз қолдануға байланысты жанжалды және «халық көтеріліске шығып жатыр», «артқа қайтар жол жоқ, тек алға»  деген сөздері бар,  – деді құқық қорғаушы.

Тараптардың пікірталас кезінде және соңғы сөзінде Шәмшетов егжей-тегжейлі сөз сөйлеуден бас тартып, тек президенттен және халықтан кешірім сұрайтынын, сөйлеген сөзін оқымайтынын айтып, жазбаша түрде сотқа тапсырды.

— Бұл билік құрылымдарындағы қақтығыстарға қатысты фактілердің жариялануына жол бермеуге тырысқан биліктің өтініші бойынша жасалды деп болжануда, - дейді Пономарев.

Оның пікірінше, «Шәмшетов қарусыз шерушілердің өліміне қатысы бар қауіпсіздік күштері үшін  куәгер болуы мүмкін».

— Құқық қорғау ұйымдары оның өлімінің мән-жайын халықаралық сарапшылардың қатысуымен дереу тексеруді талап етуі керек! – дейді Пономарев.