«Қара бүркіт» колониясында той өтті

«Қара бүркіт» колониясына қамалған ер адам түрме ішінде той өткізді.

Бұл туралы kstnews.kz хабарлайды.

Сотталушы махаббатын газеттегі хабарландыру арқылы тауып, хат алмасу жалғасқан. Олар тағы бірнеше жыл бірге тұра алмайтынына қарамастан неке қиюға шешім қабылдады.

«Біз біраз сөйлестік, содан кейін мен үйленемін деп шештім. Мен одан айырылғым келмеді», – деді сотталушы Д.

Неке қиюды тіркеу халық арасында «Қара бүркіт» деп аталатын № 39 мекемесінің қабырғасында өтті.

Ер адам қарақшылық жасағаны үшін жазасын өтеп жатыр.

Мекеме психологтары мұндай оң өзгерістер сотталушыға пайдасын тигізеді деп есептейді – отбасын табу түзелуге жасалған елеулі қадам саналады.