Қақаған суықта Ақтөбенің орталығы жылусыз қалды

Ақтөбеде үш көше мен даңғылдың бір бөлігіндегі көпқабатты үйлердің тұрғындары жылусыз және ыстық сусыз қалды.

Ақау алдыңғы түнде болған. Термометрлер 26 градус аязды көрсетеді, деп жазды жергілікті басылым Диапазон  .

«Бізге түні бойы апат болды, адамдар жұмыс істеп жатыр деп айтты. Таңертең олар жылытуды қоспақ болды, бірақ ол нәтиже бермеді, енді олар жылу жүйесіндегі суды қайтадан ағызды. Не болғанын түсіндіріп беріңізші? Қаламызда Екібастұз апаты қайталанып жатыр ма?» деген халықтың сауалын келтіреді басылым.

Коммуналдық қызмет көрсетушілер «Әбілқайыр хан даңғылы, 84 мекенжайындағы өшіру клапандарының зақымдалуына және оны шұғыл ауыстыру қажеттілігіне байланысты Әбілқайыр Хан даңғылындағы  64, 66, 68, 70 , 70/1, 72, 74, 76, 78, 80, 82, 84,  М.Оспанов көшесіндегі 52, 52/2, 54А, 54Б, 54/1, 54/2, 57,  Алдияров көшесіндегі  2.6,  Ғ.Жұбанов көшесіндегі  50 үйлерде ыстық су мен жылу беруі уақытша шектеу туралы хабарлауға мәжбүрміз» деп нақтылайды қызмет көрсетушілер.

«Ақтөбе су-энергетикалық тобы» АҚ мамандары жұмысқа кіріскені, олар аяқталғаннан кейін ыстық су мен жылу беру қалыпты режимде қалпына келтірілетіні атап өтілді.