Қант саласын дамытуға 495 млрд теңге бөлінеді

Үкімет отырысында Ауыл шаруашылығы вице-министр Әбілқайыр Тамабек қант саласын жандандыру үшін қандай шаралар қолға алынатыны туралы баяндама жасады.

Әбілқайыр Тамабектің елімізде саланы табысты дамытудың әлеуеті бар, бірақ технологиялық жабдықтардың тозуы, қарыз жүктемесі және айналым қаражатының жетіспеуі, көрші елдердің қолданатын баға өсімі отандық өндірістің қуаттылығын пайдалануды төмен деңгейде қалдырып отырғанын айтты.

– Егіс алқаптарын, шығымдылықты, қолда бар қуаттарға қатысты шикізаттың қажет көлемін және қант зауыттарын кеңейту жоспарын талдау негізінде 2026 жылға дейінгі саланың көрсеткіштері анықталды, олар өз өндірісін арттыруға бағытталған. 250 мың тонна көлемінде қант өндіру бойынша ауыспалы егіс көлемін ескере отырып, қажет алқаптар, сонымен қатар егіс алқаптарын кеңейту бойынша жоспарланған шаралар облыс әкімдіктерімен келісілді, – деді Тамабек.

Қантқа бағаның ең төменгі деңгейін (МPL) енгізу, мемлекеттік қолдау шараларын ұсыну тетігін жетілдіру, оның ішінде қант қызылшасын өңдеуге жеткізуді субсидиялау нормативтерін және тұқымдарды субсидиялау нормативтерін арттыруды ескере отырып, тұқымдар мен будандар бағасы бойынша пысықталады.

Вице-министрдің айтуынша, жалпы алғанда, ресурстық базаны дамытуға жұмсалатын инвестиция көлемі – 495 млрд теңге. Жыл соңына дейін Қазақстанға ЕАЭО елдерінен 168 мың тонна қант жеткізіледі. Сонымен қатар елімізде өндірілетін қант қызылшасы есебінен 45 мың тонна қант алу жаспарланған.