Қанды қаңтар: Талдықорғанда азапталған құрбандардың құқығы бұзылды

Жетісу облысында полиция қызметкерлеріне қатысты қылмыстық іс бойынша сот процесі жүріп жатыр, жәбірленушілер бұл процестің заңбұзушылықпен жүріп жатқанын айтты.

Талдықорғанда азаптау қолданды деп айыпталған полицейлерге қатысты қылмыстық сот процесі жүріп жатыр. 24 адам жәбірленуші деп танылды, бірақ Адам құқықтары жөніндегі уәкілдің айтуынша, процесте заң бұзушылықтарға жол берілген.

— Атап айтқанда, заң бұзушылықтар сот залының қылмыстық процеске қатысушылардың көп бөлігі үшін жарамсыздығынан көрінеді. Процесс жәбірленушілердің мүдделерін объективті және сапалы білдіруге мүмкіндік бермейтін, жәбірленушілер мен олардың өкілдері арасындағы келіссөздердің құпиялылығы қамтамасыз етілмеген жағдайда өтіп жатыр, - дейді омбудсмен Эльвира Әзімова.

Жәбірленушілер мен айыпталушылар бір орындыққа отырады, осыған байланысты тараптар моральдық-психологиялық қысым көреді. Сондай-ақ зардап шеккендерге бірнеше рет өтініш білдірсе де кәсіби аудармашы берілмеген.

Әзімова жоғарыда аталғандардың барлығын ескере отырып, сапалы сот төрелігін қамтамасыз ету шараларын қолдануды сұрап, Жоғарғы Сотқа жүгінді. Жауап дереу берілді, бұзушылықтар жойылды.

— Уәкілдің өтінішін қарау қорытындысы бойынша Қылмыстық істер жөніндегі сот алқасы төрағасынан көрсетілген барлық бұзушылықтарды шешу туралы жауап алынды. Осылайша, сот органы жауабынан сот отырысы қатысушылардың барлығы сиятын кең  залда өтіп жатқаны, тиісті аудармашымен қамтамасыз ету мәселесі шешілгені белгілі болды, - деді Әзімова.

Соңында Уәкіл жәбірленуші тараптың адвокаттары сотталушыларға қатысты бұлтартпау шарасы бйынша  шағымдары ішінара қанағаттандырылғанын айтты.