Қанды қаңтар: Талдықорғанда азап көрсеткен полицейлер сотталды

Полицияның бес қызметкері қаңтар оқиғасы кезінде азаптау ісіне қатысы бар деп айыпталған.

Талдықорған қалалық соты 5 полиция қызметкеріне қатысты үкім шығарды. Олар қаңтардағы тәртіпсіздіктер кезінде және одан кейін тұтқындарды азаптады деген күдікпен ұсталған.

«2022 жылғы 6 қаңтарда полиция қызметкерлері Талдықорған қаласы ІІБ-нің әкімшілік ғимаратында азаматтық киім киіп, (...) берген антын бұза отырып; шабуыл жасады деген күдікке ілінген адамдарға қасақана дене жарақатын салып және психикалық зардап шектірген»  деп келтіреді Алатау соты үкім туралы.

Сот барысында полицейлер кінәсін мойындату және ақпарат алу үшін азаптау әдісін қолданғаны белгілі болды. 23 адам жәбірленуші деп танылды, олар әртүрлі дәрежедегі дене жарақаттарын алған.

Сотталушылар өз кінәларын мойындап, соттан шартты түрде жаза тағайындауды сұрады. Айтпақшы, жәбірленушілер қылмыскерлерді кешіріп, тіпті оларды бас бостандығынан айырмауды өтінді.

Нәтижесінде сот бес адамды кінәлі деп танып, 3 жыл мерзімге құқық қорғау органдарында қызмет атқару құқығынан айыра отырып, 3 жылдан 4 жылға дейінгі мерзімге бас бостандығынан айыру жазасын тағайындады. Сот үкімі заңды күшіне енген жоқ.