Қайрат Сатыбалдының туысқанына іздеу жарияланды 

Қайрат Сатыбалдының туыстары «Қазатомөнеркәсіпте» ақша жымқырды деп іздестіріліп жатыр.

 Сыбайлас жемқорлыққа қарсы қызмет «Қаратау» ЖШС («Қазатомөнеркәсіп» ҰАК» АҚ еншілес кәсіпорны) және «Iri building» ЖШС лауазымды тұлғаларына 2019-2021 жылдар аралығында қаржы жымқыру фактісі бойынша сотқа дейінгі тергеуді жалғастыруда.

 Тергеу анықтағандай, Б.Байсейітов Қ.Сатыбалдыұлымен туыстық байланысын жасырып, бақылаудағы «Iri building» ЖШС компаниясы қызметіне кесірін тигізді.  Кәсіпорын және квазимемлекеттік сектор субъектісі «Қаратау» ЖШС 2019 жылы Қаратау кенішінде құрылыс жұмыстарын жүргізуге келісім-шарт жасаған.

 Б.Байсейітов «Iri building» ЖШС-нің қызметін тікелей басқарып, нысанның құрылысына түскен қаражатты үлестірген, бұл ретте құрал-жабдықтардың бір бөлігі әкелінбей, осыған арналған қаражатты заңсыз ұрлап алған.

 Мемлекетке 320 миллион теңгеден астам шығын келген.

Қазіргі уақытта Б.Байсейітов Қазақстаннан тыс жерде.   Оның заңсыз әрекеттері Қазақстан Республикасы Қылмыстық кодексінің 189-бабының 4-бөлігінің 2-тармағы (бөтеннің мүлкін иемдену немесе жымқыру) бойынша сарапталып, оған іздеу жарияланды.

 Оның орналасқан жері туралы мәлімет үшін сыйақы беріледі, Байсейітовті мына телефондар арқылы тапсыруға болады: 1424, +7 (7172) 909 260.

 Құпиялылыққа кепілдік беріледі.