Қайрат Боранбаев халыққа үндеу жасады

Квазимемлекеттік секторда аса ірі көлемде қаржы жымқырды деген айыппен қамауға алынған Дариға Назарбаеваның құдасы, кәсіпкер Қайрат Боранбаев үнсіздікті бұзып, «бәрін айтуды» шешкенін айтты.

Үндеу Боранбаевтың Instagram парақшасында жарияланған.

«Достар, барлығына сәлем! Өздеріңіз білесіздер, 2022 жылдың 17 наурызында маған қатысты екі ай мерзімге қамауға алу түріндегі бұлтартпау шарасы санкцияланды. Бірақ бұл шара созылды, мен қазір 11 ай бойы қамауда отырмын. Осы уақыт ішінде олар мен туралы көптеген түрлі жаңалықтар жазды. Олардың көпшілігі әрқашан шындыққа жанаса бермейді және көбінесе асыра сілтейді. Сондықтан мен үнсіздікті бұзып, бәрін өзім айтуды жөн көрдім. Осыдан кейін де жазбалар болады. Оны менің қызым шығарады. Мені мыңдаған адамдар қолдайтынын білемін. Қолдауларыңызға рахмет!» делінген үндеуде.