Путин Түркияға астық мәселесін талқылау үшін барады

Ресей президентінің тамыз айында Түркияға баратын сапары барысында Ердоған Путинмен соғыс тұтқындарын алмасу мәселесін де талқылауды жоспарлап отыр.

Түркия Ресей президенті Владимир Путинді  тамыз айында елге келеді деп күтуде. Бұл туралы Түркия президенті Режеп Тайып Ердоған Владимир Зеленскиймен болған келіссөздерден кейінгі баспасөз мәслихатында айтты, деп хабарлайды Orda.kz. CNN Turk арнасына сілтеме жасап.

«Алдағы айда Путин мырза Түркияға барады, біз соғыс тұтқындарын алмасу тақырыбын тағы да бетпе-бет талқылай аламыз», - деді Ердоған.

Мемлекет басшылары астық келісімді ұзарту мәселесін де талқылауға ниетті.

Путиннің елге сапарын алдында тараптар телефон арқылы келісті. РБК хабарлауынша, Кремль өз кезегінде Зеленский сапарынан кейін Ердоғанмен байланыс орнататынын жоққа шығармайды.

Зеленскийдің Ытамбұлға сапары 7 шілдеде болды. Екі мемлекет басшылары Украинадағы әскери қақтығысты, астық мәмілесін, Ресеймен әскери тұтқындарды алмасуды, сондай-ақ Украинаның НАТО-ға мүше болуы мүмкіндігін талқылады.

Сондай-ақ, РБК хабарлағандай, Беларусь президенті Александр Лукашенко Мәскеу мен Киев қажет деп тапса, Ресей мен Украина арасындағы бейбіт келіссөздерге өзі де делдал болуға дайын екенін айтты. Ол Украинадағы жағдай күзге қарай өзгеруі керек деп есептейді.