Путин Қырым көпіріндегі жарылыс туралы пікір білдірді

Ресей президенті Владимир Путин Қырым көпіріндегі алапат жарылысқа Украинаның арнайы қызметтерін айыптап, жарылысты террорлық шабуыл деп атады.

Путиннің айтуынша, Қырым көпірін жаруға тапсырыс берушілер – Украинаның арнайы қызметтері.

– Бұл жерде ешқандай күмән жоқ. Бұл Ресейдің маңызды азаматтық инфрақұрылымын бұзуға бағытталған шабуыл, – деді ол.

Еске салайық, 8 қазан күні таңертең Қырым көпірінде қатты өрт болды. Ресейлік БАҚ ұлттық терроризмге қарсы комитетке сілтеме жасай отырып, көпірде жүк көлігі бұзылған деп хабарлады.

Бұл теміржол құрамындағы жеті жанармай цистернасының өртенуіне және көпірдің жарылуына себеп болған.