Путин өзара сауданы ұлттық валюталармен жасауға шақырды

Бүгін Астанада Азиядағы өзара ықпалдастық және сенім шаралары жөніндегі кеңестің VI саммиті өтті. Ресей президенті Владимир Путин әлемдік қаржы жүйесінің қағидаттары қайта қаралуы керек екенін айтты.

– Біздің Азиядағы көптеген серіктестеріміз сияқты әлемдік қаржы жүйесінің жұмыс принциптерін қайта қарауды бастау қажет деп санаймыз. Әлем шынымен де көпполярлы болып келеді және бұл жерде Азия маңызды рөл атқарады, – деді ол.

Бүгін Астанада өткен АӨСШК саммиті аясында Путин Түркия президенті Режеп Тайып Ердоғанмен кездеседі. Ресей Федерациясы президентінің баспасөз хатшысы Дмитрий Песков талқылау тақырыбы Украинадағы жағдай, Ресей мен Түркияның екіжақты қатынастары бойынша пікір алмасу болатынын айтты.

Сондай-ақ Путин Әзірбайжан президенті Ильхам Әлиевпен де кездесу өткізеді деп күтілуде.