Путин мен Жапаров Астанадағы кездесуде нені талқылайды?

12-14 қазан аралығында өтетін саммиттерге қатысу үшін Ресей мен Қырғызстан президенттері Қазақстан астанасына келеді.

Қырғызстан президенті әкімшілігі сыртқы саясат бөлімінің меңгерушісі Мұратбек Әзімбақиев Астанада өтетін халықаралық шараларда Садыр Жапаров пен Владимир Путиннің нені талқылағысы келетіні туралы айтты.

- Ел басшылары Азия аймағындағы қауіпсіздік саласындағы ынтымақтастық мәселелерін, сондай-ақ ТМД аясындағы сауда-инвестициялық әріптестік пен Орталық Азия-Ресей форматындағы өзара іс-қимыл перспективаларын талқылайды, - деді Әзімбақиев.

Бұған дейін Ресей Федерациясы басшысының баспасөз хатшысы Дмитрий Песков 7 қазанда Қырғызстан басшысы қатыспаған Санкт-Петербургте ТМД саммиті басталар алдында Путиннің Жапаровпен келіссөздері туралы хабарлаған болатын.

- Путин Жапаровпен телефон арқылы сөйлесті, олар екіжақты қарым-қатынасқа қатысты мәселелерді талқылауды жалғастырды және алдағы уақытта Астанада кездесуге келісті, - деді Песков.

Сондай-ақ, бүгін Қырғызстан вице-министрі елдегі ҰҚШҰ оқу-жаттығуларының тоқтатылуының себебін түсіндірді. Оның айтуынша, мұндай шешім Тәжікстанмен шекарадағы таяуда болған қақтығысқа байланысты қабылданған, ол да ұйымдастыру мен оқу-жаттығуларға қатысып жатыр.