Путиннің ұлдарының аты-жөні мен суреттері жария болды

Ресейлік журналистер Роман Баданин мен Михаил Рубин «Царь собственной персоной» атты кітаптарын таныстырды. Кітапта Ресей президентінің отбасы мен бұрынғы гимнастшы Алёна (Алина) Кабаевамен қарым-қатынасына қатысты жаңа деректерді ашып көрсеткен, деп хабарлайды Orda.kz 

«Агентство» басылымының мәліметіне зер салсақ, Путин мен Кабаеваның Иван және Владимир деген екі ұлы бар. Ресми құжаттарда олардың тегі — Спиридоновтар деп көрсетілген. Бұл Ресей президентінің атасы — Владимир Спиридонович Путиннің құрметіне қойылған болуы мүмкін.

Ұлдары жасырын өмір сүреді және көп уақытын Ресейдегі Валдай қаласындағы президент резиденциясында өткізеді. Сол жерде оларға арналған бөлек ағаш сарай, спа-кешен, демалыс аймағы және саябақ салынған. Әрқайсысының жеке жүргізушісі бар. Жеке көлігі және президенттің қауіпсіздік қызметінен бөлінген күзетшілері бар.

Путиннің басқа балалары да аты-жөндерінде басқа текті қолданады.
Оның алғашқы некесінен туған қыздары Тихонова және Воронцова деген текті алған. Ал некесіз қызы Розова тегімен танылған. БАҚ дерегінше, Розова біраз уақыт Францияда Елизавета Руднова деген есіммен өмір сүріп, тіпті Париж галереясында жұмыс істеген.