Путин Жириновскиймен қоштасты

Ресей Федерациясының президенті Владимир Путин ЛДПР партиясының көшбасшысы Владимир Жириновскиймен қоштасу рәсіміне келген. Қоштасу рәсімі Кеңестер үйінің залында өтті.

Ресейлік БАҚ жариялаған видеода РФ президентінің бір шоқ гүлді Жириновский жатқан табыттың аяқ жағына қойып, артынша жанына тұрып шоқынғаны көрінеді.

Жириновский 6 сәуір күні дүниеден озды. Алматыда туған ресейлік саясаткердің өлімі туралы 25 наурызда ақпарат тараған. Бірақ ол кейіннен жоққа шығарылды. 8 рет вакцина алған Жириновский 6 сәуірде бақиға аттанды. Оның қазасына РФ президентінен бастап көптеген саясаткерлер көңіл айтты.