Путин Зеленскиймен кездесуден бас тартты

Ресей президенті Владимир Путиннің Украина басшысы Владимир Зеленскиймен кездескісі келмейтіні белгілі болды, деп хабарлайды Orda.kz.

Путин Брянск және Курск облыстарындағы пойыз апатынан кейін Украина билігін бейбіт халыққа қасақана соққы жасады деп айыптады. Пойыз апаттарынан жеті адам қаза болған, 100-ден астам адам жарақаттанды.

«Брянск және Курск облыстарындағы темір жолдарды жару бұл террористік әрекет екені сөзсіз және осындай қылмыстарды жасау туралы шешім әрине, Украинада саяси деңгейде қабылданады», — деді Путин.

Оның сөзінше, Украин әскері «майданның барлық бөлігінен шегініп жатыр», ал Киев «террористік әрекеттерге көшкен».