Путин украиналық әскерилерге үндеу жолдады

Ресей президенті Владимир Путин Украина қарулы күштерінің әскери қызметкерлерін Киевтегі билікті өз қолдарына алуға шақырды.

Бұл туралы ол Ресей Қауіпсіздік кеңесінің шұғыл отырысында айтты.

– Мен Украина Қарулы Күштерінің әскери қызметшілеріне тағы да өтініш айтамын: Бендерлер (Украина ұлтшылдар ұйымының атауы) мен неоұлтшылдарға балаларыңызды, әйелдеріңіз және қарттарыңызы тірі қалқан етуіне жол бермеңіздер. Билікті өз қолдарыңызға алыңыздар, шамасы бізге сіздермен келісімге келу оңайырақ болады – деді ол.

Путин сондай-ақ Украинадағы ресейлік офицерлер «батыл, кәсіби және қаһармандықпен әрекет етіп жатқанын» айтты.

Путиннің пікірінше, Украинадағы ресейлік әскерилердің негізгі қақтығыстары осы елдің тұрақты әскерлерімен емес, тұрақты украиндық бөлімшелерге енген ұлтшылдармен және «оларды қарулы қарсылық көрсетуге итермелеген жасақтармен қақтығысуда».