Путин Украинадағы соғысқа түбегейлі нүкте қоятын шарттарды атады

Ресей президенті Владимир Путин Украина бірнеше шартты орындаса, соғысты тоқтататынын айтты.

Бұл туралы Ресей президенті сыртқы істер министрлігі басшылығымен кездесуде айтты.

Путин Украинамен кесілімге келу үшін олар ЛНР, КХДР, Херсон және Запорожье облыстарының түкпір-түкпірінен әскерін шығаруы керек деген талап қойды.

«Киев осы шешімге тоқтап, әскерін шығара бастаса, сонымен қатар, НАТО-ға қосылу жоспарынан бас тартатынын ресми хабарласа, дереу оқ атуды тоқтатып, келіссөз жүргізу жайлы бұйрық шығарылады. Тағы айтамын. Біз тез арада соғысты тоқтатамыз», –деді Путин.

Путиннің сөзінше, бұл соғысқа түбегейлі нүкте қоятын ұсыныс. 

«Осы жолы да біз расымен соғысты тоқтататын бейбіт ұсыныс жасап отырмыз. Егер Киев пен батыс астаналары ұсыныстан бас тартып жатса, саяси жағынан да, моральдық жауапкершілік жағынан да қантөгістің жалғасуы солардың мойнында болады», – деді Путин.

Путин өз шартында ерекше атап өткен талаптар:

• Украинаның бейтарап болуы, әскери ұйымдардың қатарында болмауы, ядролық қарудан бас тартуы;
• Украина жерінде демилитаризация және денафикация;
• Қырым, Севастополь, КХДР, ЛНР, Херсон және Запорожье облыстарын халықаралық шарттарға сәйкес Ресейдің жері деп бекіту;
• Батыстың барлық санкцияларын алып тастау.