Путин Тоқаевты Жеңістің 80 жылдығына арналған мерекеге шақырды

Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын Ұлы Отан соғысының Жеңістің 80 жылдығына арналған мерекеге шақырды, деп хабарлайды Orda.kz.

Салтанатты іс-шара 9 мамыр күні Мәскеуде өтеді.

«Біз Президент Тоқаевты және қазақстандық достарымызды күтеміз. Біздің елімізде әкелеріміз бен аталарымыздың нацизмге қарсы иық тіресе күрескен ерлігін әрдайым еске алып, қадір тұтады», – деді Владимир Путин.

Сондай-ақ ол тарихи жадыны сақтаудың маңыздылығына тоқталып:

«Біз болашақ ұрпаққа бейбітшілік пен еркіндіктің қандай бағамен келгенін ұмыттырмау үшін қолдан келгеннің бәрін жасауымыз қажет», – деп атап өтті.

Еске сала кетсек, мемлекет басшысы Astana Think Tank форумының қорытынды отырысында «Ресейдің Украинамен соғыста жеңілмейтінін» айтқан болатын.