Путин Тоқаевқа көңіл айтты

Ресей президенті Владимир Путин Қасым-Жомарт Тоқаевпен телефон арқылы сөйлесті, деп хабарлайды Orda.kz. 

Бүгін, 28 желтоқсан күні сағат 18:25-те Путин Тоқаевқа хабарласып, Ақтау қаласының маңында болған ұшақ апатына байланысты көңіл айтты. Бакуден ұшқан Әзірбайжан ұшағының бортында Ресей азаматтары да болған. Тараптар болған оқиға егжей-тегжейлі зерттелетініне сенім білдірді. 

Қазақстан Президенті Владимир Путинге жақында Ленинград облысында өткен ТМД-ның бейресми саммиті мен  Еуразиялық экономикалық кеңестің отырысы барысында көрсеткен қонақжайлылығы үшін алғысын білдірді.

Екі елдің көшбасшылары Әзірбайжан ұшағымен болған қайғылы оқиғаның барлық мән-жайларын тергеуге байланысты мәселелер бойынша да, Ресей-Қазақстан ынтымақтастығын одан әрі дамытудың өзекті тақырыптары бойынша да тұрақты байланыста болатынын айтты.