Путин такси жүргізуші болып жұмыс істегенін мойындады

Ресей президенті Владимир Путин 1990 жылдары жеке көлікпен такси жүргізушісі болып жұмыс істегені туралы «Россия 1» телеарнасында шыққан «Новейшая история» деректі фильміне берген сұхбатында айтты.

90-шы жылдары қиын экономикалық жағдайға байланысты көптеген білікті мамандар ақша табудың жолын іздеді.

Ресей президенті Владимир Путин сол жылдарды еске алды.

– Кейде қолға түскен жұмыстпен, адам тасымалдаумен айналысуға тура келді. Бұл туралы айту жағымсыз, бірақ, өкінішке қарай, бұл да болды, – деді Ресей президенті.

Бұған дейін Қазақстанның тұңғыш президенті Нұрсұлтан Назарбаев «Россия 24» телеарнасына сұхбат беріп, онда Кеңес Одағы ыдырағаннан кейін тап болған қиындықтар туралы әңгімелеген болатын.