Путин Солтүстік Кореяға мемлекеттік сапармен келді

Владимир Путин КХДР көшбасшысы Ким Чен Ынның шақыруымен Солтүстік Кореяға мемлекеттік сапармен келді. 

Бұл туралы Кремль хабарлайды.

Владимир Путин Солтүстік Кореяға мемлекеттік сапармен келді. Әуежайда оны  Ким Чен Ын өзі қарсы алған. Кездесу Құмсусан резиденциясында өтуде. Бұл кездесудің мақсаты–энергетика, көлік, ауыл шаруашылығы салаларындағы ынтымақтастық перспективаларын талқылау. Нәтижесінде екі ел арасында жан-жақты стратегиялық әріптестік туралы келісімге қол қою жоспарлануда.

Путин мен Ким Чен Ын халықаралық күн тәртібін талқылап, пандемия салдарынан үзілген гуманитарлық байланыстарды қалпына келтіру жолдарын белгілейді. Сонымен қатар, саясаткерлер қауіпсіздік, экономика, энергетика, көлік және ауыл шаруашылығы салаларындағы ынтымақтастық мәселелерін қозғайды.