Путин режиссер Сокуровпен ұрысып қалды: Ресейді Московияға айналдырғыңыз келіп тұр ма?!

Ресейдегі азаматтық қоғамды дамыту және адам құқықтары жөніндегі кеңес мүшелерімен онлайн-кездесуде режиссер Александр Сокуров Ресей Федерациясының сыртқы саясаты «мұндай кедей елдің» бюджетіне қымбат екенін айтты.

Бұған жауап ретінде Ресей президенті Владимир Путин режиссердің сөздерін «проблемалар мен қорқыныштар жиынтығы» деп атады.

Кездесудің видеосын Кремльдің баспасөз қызметі жариялады.

– Бізге Беларусь, Оңтүстік Осетия, Абхазия риза. Менің түсінуімше, Сирияға да көмектесу керек. Үлкен дотациялық оңтүстік өңірлерге көмектесу керек, – деді Сокуров.

Сондай-ақ, режиссер Солтүстік Кавказда болып жатқан үлкен проблеманы атады.

– Кавказ моноұлттық болып келеді. Барлық билік жергілікті халықтың қолында, – деді ол және республикаларда орыстарды ұнатпайтынын, Ресейден тәуелсіздік алғысы келетінін қоса айтты.

– Енді бізбен бірге бір мемлекетте өмір сүргісі келмейтіндерді барлығын жіберейік. Өз өмірін бастағысы келетіндердің барлығына... сәттілік тілейміз. Біздің әскерімізге күш тілейміз, – деді Сокуров.

Бұған жауап ретінде Путин режиссерден «көпшілік алдында сөйлемес бұрын ойлануын» сұрады.

– Сізде қойылым емес, манифест айтып отырсыз. Біздің кейбір азаматтарымыздың проблемалары мен қорқыныштарының жиынтығы. Сіз: «бізбен бірге өмір сүргісі келмейтіндердің барлығын жіберейік» дедіңіз. Бізбен бірге кім өмір сүргісі келетінін және кім қаламайтынын қайдан білесіз?, – деді Ресей президенті.

Сокуров «тексеру» ұсынысымен жауап қайтарғаны Ресей президентінің шамына тиді.

– Тексереміз? Тексеріледі! Бүкіл Дағыстанды бөлуді ұсынып тұрсыз ба? Немесе Қарашай-Черкессияны бөлу керек пе? Бізде ел бойынша 2 мың аумақтық шағым бар! Сіз Югославияның тағдырын қайталатқыңыз келеді. Орыс халқы шынымен де... Ресей Федерациясының ыдырауын қалай ма? Сіз бізді Московияға айналдырғыңыз келе ме? Дәл осын НАТО істегісі келеді, – деп қорытындылады Путин.

Путиннің Сокуровқа берген жауабына түсінік бере отырып, Ресей Федерациясы президентінің баспасөз хатшысы Дмитрий Песков режиссер «шетін тақырыптар» туралы «кәсіби емес» ойлар айтты деп мәлімдеді.

– Президент өте қатал әрекет етті. Өйткені режиссер, өкінішке қарай, өте кәсіби емес және тақырыпты білместен өте маңызды, шетін тақырыптарды қозғай бастады. Бұндайға президент шыдамайды. Бірақ ол оған [Сокуровқа] бұл туралы тікелей айтты, – деді Песков.