Путин пен Трамптың арнайы өкілі Уиткофф Кремльде келіссөз жүргізді

Келіссөз үш сағатқа жуық созылды және Кремльдің мәліметінше, сындарлы жағдайда өтті, деп хабарлайды Orda.kz.

Талқылаудың басты тақырыбы Ресей мен Украина арасындағы тікелей келіссөздерді қайта бастау туралы болды. Тараптар талқылаудың егжей-тегжейін жарияламады.

Кездесуге РФ президентінің көмекшісі Юрий Ушаков та қатысты. Ол негізгі тақырыптардың бірі Мәскеу мен Киев арасындағы тікелей диалогқа қайта оралу мүмкіндігі болғанын растады.

Бұл Путин мен Уиткоффтың соңғы екі аптадағы екінші кездесуі. Біріншісі 11 сәуірде Санкт-Петербургте өтті.