Путин: орыс тілін білу керек!

Ресей президенті Владимир Путин ТМД мемлекеттері басшылары кеңесінің отырысында орыс тілінің өзге елдер арасында дамуы мен оның маңыздылығы туралы айтты.

Бұл туралы Orda.kz хабарлайды.

Ресей басшысының айтуынша, орыс тілінің ТМД мемлекеттері арасындағы тарихи орны маңызды.

– Таулы Қарабақта бейбітшілікті сақтау маңызды. Елдердің қайшылықтары қақтығыстарға алып келсе жаман болады. Жақсы соғыстан гөрі жаман бейбітшілік болғаны дұрыс. Орыс тілі – ТМД елдерінің біріктіруші күші болып табылады.

ТМД мемлекеттерін тарих және рух бойынша біріктіреді. Ресейде ТМД елдерінен көптеген мигранттар жұмыс істейді. Адамдардың орыс тілін білуі өте маңызды. ТМД елдеріне көші-қон саласындағы өзара іс-қимылды дамыту туралы бірлескен мәлімдеме қабылдау ұсынылады, – деді Путин.

Өз кезегінде, Қазақстан президенті Қасым-Жомарт Тоқаев ТМД мемлекет басшыларын вакциналау паспорттарын өзара мойындау шараларын тездетуге шақырды.