Путин мен Байденнің Женевада кездесетіні белгілі болды

Ресей президенті Владимир Путин мен АҚШ президенті Джо Байденнің келіссөздері 16 маусымда Женевадағы Вилла Ла Гранж саябағында өтеді.

Бұл туралы Orda.kz Интерфаксқа сілтеме жасай отырып хабарлайды.

— Әйгілі Вилла Ла Гранж 16 маусымда президент Байден мен Путинді қабылдайды. Швейцария Женеваны таңдау арқылы көрсетілген сенім үшін екі елге де алғыс білдіреді, - делінген ведомствоның Twitter-дегі хабарламасында.

The iconic Villa La Grange will host Presidents Biden ?? and Putin ?? on June 16. Switzerland thanks the two countries for the trust expressed by choosing #Geneva@POTUS @KremlinRussia_E pic.twitter.com/Q8vag8hhhL

— Swiss MFA (@SwissMFA) June 10, 2021

Кейінірек Ресей президентінің баспасөз хатшысы Дмитрий Песков Интерфаксқа Вилла Ла Гранж американдық және ресейлік көшбасшылардың кездесу орнына айналатынын растады.

18 ғасырда салынған Вилла саябақтың ортасындағы көркем жерде орналасқан. Оның бір залында кітапхана орналасқан, онда ондаған мың ежелгі, әрі құнды кітаптар сақталған.

Бұған дейін хабарланғандай, 8 маусым, сейсенбі күні Женевада Ресей Федерациясы мен АҚШ президенттерінің алдағы кездесуіне қызу дайындық басталды. Саммитке, атап айтқанда, Ла Гранж паркі дайындала бастады — олар жалпы тазалау жүргізіп, саябақ келушілер үшін жабылды.

Жергілікті БАҚ атап өткендей, саябақ аумағында қауіпсіздік шаралары біртіндеп күшейтілуде. Онда әскери және қауіпсіздік қызметкерлері бар.

Басқа БАҚ бұған дейін кездесу Михаил Горбачев пен Рональд Рейган 36 жыл бұрын кездескен жерде өтуі мүмкін деп хабарлаған. Олардың кездесуі Fleur d ' Eau вилласында, сондай-ақ Intercontinental қонақ үйінде өтті.

Сондай-ақ, саммит кезінде Женева әуе кеңістігіне ұшу аппараттарының кіруі шектеулі болатыны белгілі болды.

— Байден мен Путиннің кездесуі 16 маусымда Женевада өтеді. Келіссөздер қорытындысы бойынша қандай да бір құжаттарға қол қою әлі жоспарланбаған, - деп мәлімдеді РФ президентінің баспасөз хатшысы Дмитрий Песков.